Glacfar le hiarratais chomhlánaithe ón dáta seo:  01/10/2028
Is é an dáta deiridh chun iarratais a fháil ná: 22/10/2026

Tá gach sonra lena n-áirítear an Ráiteas Iontrála, an Polasaí Iontrála agus an Fhoirm Iarratais, ar fáil ar ár suíomh gréasáin.

Táimid ag tnúth le fáilte a chur roimh dhaltaí nua chuig pobal na scoile!

First Year Admissions 2027 – Now open!

Completed applications will be accepted from:  01/10/2026
The closing date for receipt of applications is: 22/10/2026

All details, including Admission Notice, Admission Policy and Application form are available on our website.

We look forward to welcoming new students into our school community!

The post Iontráil don Chéad Bhliain 2027 – Oscailte anois! first appeared on Coláiste Ghobnatan.

Our open night will take place on Thursday 8th October between 18:00 – 20:00. There will be a  Principal’s Address: 6.40 & 7.20pm. Please see prospectus below. All welcome!

Réamheolaire – Prospectus 2026

The post Oíche Oscailte first appeared on Coláiste Ghobnatan.

The post Sábháil an Dáta – Oíche Oscailte first appeared on Coláiste Ghobnatan.

TORTHAÍ NA HARDTEISTE
Tréasláimíd le rang na hArdteiste a bhain sár-éachtaí amach ina dtorthaí i mbliana. Táimid an-bhródúil agus mhórálach asaibh. Ba dheas sibh a fheiscint ar lá na dtorthaí ag filleadh ar an scoil chun bhur n-eachtaí a chéiliúradh le chéile.  Go n-éirí go geal libh leis an gcéad chéim eile!

COIRN CRAOBH NA HÉIREANN
Le déanaí chuireamar fáilte roimh Pheadar Ó Ceallaigh (iardhalta), Clíona Ní Mhocháin (dalta reatha), Róisín Ní Liatháin agus Rory Ó Súilleabháin. Bhí Clíona agus Róisín ar an bhfoireann peile na mban Chorcaí Fé18 agus bhí Peadar agus Rory ar an bhfoireann peile Chorcaí na buachaillí Fé17 i mbliana. Bhuaigh ná dá fhoireann an Craobh na hÉireann. Bhí cúpla focal ón bpríomhoide Máistir Ó Colmáin, Clíona, Peadar, Iníon Ní Shúilleabháin agus Máistir Ó Duinneacha. Ba ócáid álainn í chun tús a chur leis an scoilbhliain. Míle buíochas le CLG Naomh Abán as an ócáid a eagrú.

FOCLÓIR

• ná dearúdaigí – don’t forget
• feighlí scoile – caretaker
• mórálach – pride
• coirn – cups

The post Tús maith first appeared on Coláiste Ghobnatan.

Tá 400 oide ó gach cuid den domhan roghnaithe mar chuid de Rang 2026, rud a léiríonn fairsinge agus spiorad comhoibrithe an chláir ar fud an domhain.

Ina measc, is é Phádraig Ó hAireachtáin ionadaí aonair na hÉireann i Rang 2026. Mar mhúinteoir i gColáiste Ghobnatan, iar‑bhunscoil Ghaeltachta i mBaile Bhúirne, is céim mhór é seo don scoil agus don phobal Gaeltachta féin — ag léiriú an ról láidir atá ag an nGaoluinn agus ag scoileanna Gaeltachta i nuálaíocht agus forbairt an teagaisc. Cuireann an roghnú seo é i bpobal idirnáisiúnta a bhfuil meas orthu as a gceannaireacht, a gcruthaitheacht, agus an tslí ina n‑úsáideann siad teicneolaíocht Apple chun foghlaim a fheabhsú.

The post Comhghairdeas – Apple Distinguished Eductor first appeared on Coláiste Ghobnatan.

The post Nuachtlitir Cásca 26 first appeared on Coláiste Ghobnatan.

The post Táimid ag earcú first appeared on Coláiste Ghobnatan.

Tréaslaímid le Cathal Ó Loingsigh – bhí sé mar chuid d’fhoireann Rebel Wheelers a bhuaigh Craobh na hÉireann sa chispheil le déanaí. Éacht den scoth!
Ba mhaith linn tréaslú le hIseult Ní Ríordáin a fuair Scoláireacht Iontrála Quercus ó Choláiste ha hOllscoile Corcaigh. Roghnófar na faighteoirí ar an mbonn go bhfuil siad i measc na 15 mac léinn is fearr ina gColáiste maidir le gnóthachtáil pointí i Scrúdú na hArdteistiméireachta. Rinne Iseult an Ardteist i 2024 – faoi láthair tá sí ag déanamh staidéir ar chógaisíocht – guímid gach rath uirthi!

BRONNADH Ó MHARGADH NA NOLLAG

Bhronn muintir na hIdirbhliana €1384.00 ar Enable Ireland. Bhailigh siad an t-airgead sin ó Mhargadh na Nollag a rith siad faoi stiúir Iníon Ní Chonchúir. Molaimid go mór iad as an éacht seo a dheineadar.

Soláthraíonn Enable Ireland seirbhísí agus tacaíochtaí do leanaí agus do dhaoine fásta atá faoi mhíchumas, ag díriú ar chumhachtú, neamhspleáchas agus cuimsiú. Cuireann siad teiripe, teicneolaíocht chúnta, cúram faoisimh agus cláir phobail ar fáil chun cabhrú le daoine agus le teaghlaigh dul i bhfeabhas.

SEISIÚN EOLAIS – ROGHNÚ NA N-ÁBHAR

D’eagraigh an treoirchomhairleoir seisiúin eolais maidir le roghnú na n-ábhar don Ardteist le déanaí. Faoi láthair atá roinnt ábhar Ardteiste ag athrú – d’athraigh Bitheolaíocht, Ceimic, Fisic agus Gnó i mbliana. Beidh Staidéar Foirgníochta, Innealtóireacht, Tíreolaíocht agus Saol, Pobal agus Obair na hArdteistiméireachta  (beidh sé seo in ionad CGAT) ag athrú i mí Mheán Fómhair. Bhí Cuntasaíocht agus Béarla chun athrú i mbliana ach tá tabhairt isteach na n-ábhar seo curtha siar go dtí Meán Fómhair 2027 ar a laghad. Míle buíochas leis na múinteoirí a roinn a gcuid saineolais leis na daltaí.

PEIL NA MBUACHAILLÍ

Bhí bua iontach ag buachaillí fé 16 i gcoinne Douglas CS i gcluiche ceathrú ceannais Chorcaí ar an Luan. An scór a bhí ann ná 2-18 go 3-5. Maith sibh a bhuachaillí. Míle buíochas le bhur dtraenálaí Máistir Ó Duinneacha.

SACAR NA MBUACHAILLÍ

Scóráil Bhreandáin Ó Ceallacháin ‘hat-trick’ iontach nuair a bhuaigh an scoil 6-2 i gcoinne Scoil Phobail Churrach an Eich Bhuí thíos i gCóbh. Jack MacCarthaigh (2) agus Jerh Ó Loingsigh a fuair na cúil eile. Míle buíochas le Máistir Ó Duinneacha.

TAITHÍ OIBRE

An tseachtain seo rinne daltaí na hIdirbhliana Taithí Oibre i ngnólachtaí agus áiteanna oibre idir áitiúil agus thar lear. Tá buíochas mór tuilte ag na fostóirí a ghlac lenar ndaltaí ar Thaithí Oibre; is mór an deis a chuir siad ar fáil dóibh. 

RÉAMHSCRÚDUITHE

Dhein  daltaí Ardteiste agus tríú bliana na réamhscrúduithe an tseachtain seo– seo céim eile déanta ar a n-aistear foghlama. Míle buíochas leis na múinteoirí as na daltaí a ullmhú agus na scrúduithe a cheartú. 

LÁ GHOBNATAN 

Bhí deis ag daltaí na chéad bhliana freastal ar Aifreann le haghaidh Lá Fhéile Ghobnatan ar an 11ú Feabhra. Fuair roinnt daltaí “tomhas Ghobnatan”. Míle buíochas le hIníon Ní Bhuachalla agus Iníon Ní Chonchubhair as an deis seo a sholáthar dóibh. 

MRB STAIRE 

Mar chuid den tSraith Shóisearach déanann daltaí roinnt MRBanna nó Measúnuithe Rangbhunaithe. Tá na daltaí ó 2A tar éis an ceann staire a chríochnú. An tasc a bhí acu ná taighde a dhéanamh ar imeacht nó duine a bhain lena gceantar féin. Bhíodar in ann taighde a dhéanamh ar ghné de stair a mhuintire féin freisin. Roghnaigh na daltaí roinnt ábhar agus daoine suimiúla ar nós Seán Ó Riada, Luíochán Chúl na Cathrach agus Coláiste Íosagáin. Maith sibh a dhaltaí!  

CÚRSA TIOMÁNA  

Ar an 30ú Eanáir 2026, ghlac rang na hIdirbhliana páirt i gcúrsa tiomána. Rinneadar rudaí éagsúla cosúil le carr uathoibríoch a thiomáint, scútair leictreacha a thiomáint, spéaclaí beoracha a thástáil agus tástálacha cleachtaidh teoirice freisin. Bhain an rang an-taitneamh as. Beidh an t-eolas ar fad a d’fhoghlaimíodar úsáideach sa todhchaí. 

LÁ NA NGEANSAITHE – STAND FOR FÉILE  

Tá scoileanna ar fud Chorcaí agus Chiarraí á spreagadh chun páirt a ghlacadh i Lá na nGeansaithe ar an Aoine, 20ú Márta. Reachtálfar é chun tacú le téarnamh Féile Ní Shúilleabháin, déagóir ó Ailichí, a ndearnadh gortuithe tromchúiseacha uirthi i dtimpiste feirme anuraidh. Tá Coláiste Ghobnatan i mBaile Bhuirne go mór chun tosaigh san fheachtas, agus múinteoirí Máistir Ó Laoire agus Iníon Ní Shúilleabháin ag obair ar an gcoiste eagraithe in éineacht le hiar‑imreoir Chorcaí Barry Coffey. Beidh deis ag na scoileanna atá páirteach san fheachtas dul san iomaíocht chun cheithre gheansaí i ngach contae (dhá cheann do bhunscoileanna agus dhá cheann do mheánscoileanna) a bhuachan. Is é príomhchuspóir an lae ná airgead a bhailiú chun tacú le téarnamh leanúnach Fhéile. 

Schools across Cork and Kerry are being encouraged to take part in a jersey day on Friday, March 20, to support the recovery of Féile O’Sullivan, a teenager from Allihies who suffered life‑changing injuries in a farming accident last year. Coláiste Ghobnatan is actively involved, with teachers Máistir Ó Laoire agus Iníon Ní Shúilleabháin on the organising committee, helping coordinate the initiative alongside former Cork footballer Barry Coffey. Participating schools will be entered into a draw for four jerseys in each county (two for primary and two for secondary schools). The goal of the jersey day is to raise funds to assist Féile’s continued rehabilitation. 

DÍOLACHÁN CÍSTÍ AR SON LOURDES 

Ar an 22/06/26 bhí Díolachán Cístí ar siúl chun tacú leis na daltaí a bheidh ag dul go Lourdes i mí an Mheithimh – Clíona Ní Mhocháin & Dáithí Ó Cróinín. Bhí an díolachán an- rathúil agus thug na daltaí agus múinteoirí an-tacaíocht dóibh. Bailíodh €830 don turas! 

GLUAIS

• scoláireacht iontrála – entrance scholarship,
• cógaisíocht – pharmacy
• Scoil Phobail Churrach an Eich Bhuí – Carrignafoy Community School
• réamhscrúduithe – pre-examination
• taighde – research  
• díolachán cístí – bake sale 

The post Uasdátú first appeared on Coláiste Ghobnatan.

LIPSYNC
Roimh an Nollaig, faoi stiúir Bean Uí Dhonnchú d’eagraigh Comhairle na nDaltaí LipSync. Bhailigh an scoil ar fad le chéile sa thionól. Bhí trí taispeántas déag. Ba é Conall fear an tí. D’oibrigh Máistir Ó Céilleachair, Bean Uí Chuill agus Iníon Ní Bhriain mar mholtóirí – leis an gcaighdeán iontach bhí sé deacair dóibh buaiteoir a phiocadh. Le linn an phlé bhí ceol álainn ó Naomi Ní Scanaill, Emma Duerr, Eoghan Ó Céilleachair, Cathal Ó Loingsigh, Cillian Mac Suibhne, Conall Mac Suibhne, Finín Ó Conaill agus Donagh Ó Mainnín. Tháinig Claire Ní Aodha, Doireann Ní Mhocháin, Andrea Ní Mhurchú agus Saoirse Ní Uidhir sa tríú háit. Bhain Aifric Ní Chuisín an dara háit amach. Bhí Darcy Ní Bhriain, Eireann Ní Luanaigh, Emma Ní Chróinín agus Sara de Grant mar na buaiteoirí .
Na taibheoirí eile ná Leonard Geslers, Oliver Golecki, Sam Ó Cuisín-Breathnach, Rónán Ó Tuama, Barra Ó Scanaill, Jay Ó Murchú, Fionán Ó Luasa, Eoghan Ó Duinnín, Kyle Ó Cróinín, Mattie Ó Loingsigh, Aoife Ní Loingsigh, Jerh Ó Loingsigh, Ciarán Mac Suibhne, Peadar Ó Ceallaigh, Danny Ó Loingsigh, Ciarán Ó Súilleabháin, Johnny Ó Tuama, Éanna Ó Cróinín, Seán Óg Mac Suibhne, Jack Ó Goilldhe, Iarlaith Ó Laocha, Oisín Ó Tuama, Seán Óg Ó Scanaill, Beirtí de Róiste, Aaron Ó hArgáin-Loingsigh, Kayla Ní Éalaithe, Donncha Ó Duinnín, Cal Ó Conaill agus Brian Ó Céilleachair. Molann sibh go léir!
Ba mhaith linn ár mbuíochas a ghabháil le comhairle na ndaltaí, Bean Uí Dhonnchú, Seán agus Mary as an obair go léir!

MARGADH NA NOLLAG
Faoi stiúir Iníon Ní Chonchúir d’eagraigh muintir na hidirbhliana Margadh na Nollag den scoth! Bhailigh siad €1384 don Enable Ireland. Míle buíochas le gach éinne as bhur dtacaíocht!
Na hurraitheoirí ná – Folláin, De Róiste Foods, Lely, O Connell’s Carpentry, Mark Éire, Siopa Uí Luasa, Coolea Cheese, Kabin, Looney Cakes, Top of Coom, Firebird, Edel Bakes, Christy Lucey, TP Cotter’s, Cronin’s Bar & Café, Enchanted Flowers, Óstán Ghobnatan, Foireann na Scoile 

FEACHTAS CAIGHDEÁN AEIR
Cúpla mí ó shín, ghlac ár scoil páirt i bhfeachtas caighdeán aeir eagraithe ag GLOBE, an Ghníomhaireacht um Chaomhnú Comhshaoil agus an Taisce agus fuaireamar na torthaí. Cuireadh trí fheadán suas timpeall suíomh na scoile ar feadh míosa. Seoladh iad ar aghaidh le haghaidh anailís. Tá an leibhéal dé-ocsaíd nítrigine mar tháscaire do thruailliú aeir. Na torthaí a fuaireamar ná 1.96 – 6.57 μg/m³ NO₂. Tá uimhreacha níos lú na 10 μg/m3 NO₂ go maith. Míle buíochas le hIníon Ní Ríordáin a dhein a rinne maoirseacht ar an tionscadal seo.

TAISPEÁNTAS EOLAÍ ÓG AGUS TEICNEOLAÍOCHT
Chuaigh 80 dalta ó bhliain a trí, idirbhliain agus bliain a cúig chuig an Taispeántas Eolaí Óg agus Teicneolaíocht Stripe sa RDS, Baile Átha Cliath. Bhí deis acu na tionscadail a fheiceáil. Lá iontach! Míle buíochas le Máistir Ó Laoire a d’eagraigh an turas agus le Máistir Ó hÁireachtáin, Iníon Ní Bhuachalla, Iníon Ní Ríordáin agus Rosie a thaistil leo.

GRADAIM – GO BUAIC DO CHUMAIS
Bronnadh gradam “Go buaic do chumais” ar dhá dhalta dhéag a léirigh mana na scoile le linn an chéad téarma. Bhí an gradam seo buaite ag Abbie Ní Liatháin (Bl 1), Éabhaoin Ní Loingsigh (Bl 1), Siún Ní Loingish (Bl 2), Eibhlín Ní Bhriain (Bl 2), Seán Óg Mac Suibhne (Bl 3), Mairéad Ní Mhurchú (Bl 3), Seán Ó Tuama (Bl 4), Sadhbh Ní Bhuachalla (Bl 4), Béibhinn Ní Loingsigh (Bl 5), Aobha Ní Mhuimhneacháin (Bl 5), Donagh Ó Mainnín (Bl 6) agus Claire Ní Scanaill (Bl 6). Maith sibh!

GLUAIS

• taibheoirí – performers
• feachtas – campaign
• truailliú – pollution
• eolaí óg – young scientist
• cumas – ability

The post Uasdátú – 23/01/26 first appeared on Coláiste Ghobnatan.

The post Nuachtlitir Geimhridh 2025 first appeared on Coláiste Ghobnatan.